Burime Njerëzore

Nëse mendoni se keni kualifikimet e duhura dhe dëshironi të bëheni pjesë e Bankës sonë, jeni të lutur të dërgoni CV dhe letrën tuaj të interesit pranë Burimeve Njerëzore në adresën: [email protected]

Mbi Përpunimin e të Dhënave Personale

Banka Amerikane e Investimeve SH.A. njofton se përpunimi i të dhënave personale të aplikantëve për punësim kryhet në përputhje me Ligjin Nr. 124/2024 “Për mbrojtjen e të dhënave personale” dhe Udhëzimin Nr. 42, datë 22.07.2014, “Për përpunimin e të dhënave personale të kandidatëve për punë”.
Të dhënat personale trajtohen si informacion konfidencial dhe përpunohen duke respektuar parimet e mëposhtme të përcaktuara në Ligjin Nr. 124/2024:

• Mblidhen dhe përpunohen vetëm të dhënat e domosdoshme për qëllimet e përcaktuara.
• Të dhënat mbahen të sakta dhe, kur është e nevojshme, përditësohen.
• Të dhënat ruhen vetëm për periudhën e nevojshme sipas ligjit ose qëllimeve të përpunimit.
• Garantohet siguria dhe mbrojtja e informacionit personale.

Të dhënat personale të mbledhura gjatë procesit të aplikimit përdoren ekskluzivisht për qëllime rekrutimi për pozicionin e aplikuar ose për pozicione të tjera të ngjashme të hapura në Bankë.
Banka ka zbatuar masa gjithëpërfshirëse sigurie – administrative, fizike dhe teknike – për të mbrojtur të dhënat personale nga aksesi i paautorizuar, përpunimi ose shpërndarja e paligjshme, si dhe nga humbja, shkatërrimi ose dëmtimi i tyre.
Aplikanti jep pëlqimin e tij të qartë, të informuar dhe të lirë për përpunimin e të dhënave të tij personale në kuadër të këtij aplikimi. Aplikantët kanë të drejtë të kërkojnë korrigjimin, fshirjen ose kufizimin e përpunimit të të dhënave të tyre personale, kur këto të dhëna nuk janë më të nevojshme për qëllimet për të cilat janë mbledhur dhe kur ruajtja e tyre nuk kërkohet nga legjislacioni në fuqi. Për ushtrimin e këtyre të drejtave, aplikantët mund të kontaktojnë Divizionin e Burimeve Njerëzore të Bankës ([email protected])