Individë

Kredi Hipotekore për Rifinancim është një financim afatgjatë, i siguruar me hipotekë mbi pasuri të paluajtshme, i dedikuar për klientët individë që dëshirojnë të transferojnë një kredi hipotekore ekzistuese nga një bankë tjetër pranë ABI Bank.

Produkti ofrohet për rifinancimin e kredive hipotekore ekzistuese, të përdorura për qëllime rezidenciale dhe jo-rezidenciale, si më poshtë:

• Blerjen e apartamentit, shtëpisë ose vilës.
•  Ndërtimin ose rikonstruksionin e banesës, kur kredia ekzistuese është klasifikuar si kredi hipotekore rezidenciale.
• Blerjen e banesës kryesore të klientit dhe familjes së tij.
• Blerjen e banesës së dytë ose të pronave rezidenciale të destinuara për dhënie me qira.

Kredia e rifinancimit sigurohet me hipotekë mbi pronën e financuar ose mbi një pasuri tjetër të paluajtshme, të pranueshme nga Banka si kolateral.
Përjashtohen nga ky produkt kreditë për qëllime investimi dhe kreditë për blerjen e njësive tregtare.

Të drejtën për të aplikuar për këtë produkt e kanë klientët individë që plotësojnë kriteret e mëposhtme:

• Të kenë një kredi hipotekore ekzistuese pranë një banke tjetër, me një histori kredimarrjeje më të gjatë se 12 muaj.
• Të mos kenë pasur vonesa në shlyerjen e kësteve të kredisë që rifinancohet dhe histori të rregullt të pagesave të kredisë ekzistuese.

Norma e interesit për Kredi Hipotekore për Rifinancim

• Normat e interesit aplikohen mbi shumën e përdorur për rifinancimin e kredisë ekzistuese.
• Klienti ka mundësi të zgjedhë ndërmjet dy alternativave të normës vjetore fikse, për një periudhë fillestare prej 2 ose 3 vitesh. Pas përfundimit të periudhës së zgjedhur me normë fikse, do të aplikohet normë interesi variabël.

Shuma e Financimit

• Shuma maksimale e financimit: deri në 1 milion euro (ose ekuivalenti në Lekë).
• Shuma e rifinancimit: Deri në 100% të detyrimit të mbetur të klientit pranë bankës ekzistuese, por në çdo rast jo më shumë se 70% e vlerës së kolateralit.
•  Financim shtesë: Në rast se klienti kërkon financim shtesë përtej shumës së nevojshme për shlyerjen e kredisë ekzistuese, ky financim do të trajtohet sipas kritereve dhe kushteve të produktit standard përkatës.

Afati i Kredisë Hipotekore

Kredi për Blerje ose Ndërtim Shtëpie: Deri në 30 vite, sipas kritereve dhe kushteve të kredisë ekzistuese që rifinancohet.

Komisione dhe tarifa të aplikueshme për kredinë

• 0% komision disbursimi për rifinancim, transferim kredie nga banka të tjera
• Tarifa e vlerësimit të kolateralit, sipas llojit të pronës.
•  Kosto noteriale (sipas tarifave të noterëve) dhe kosto bllokimi kolaterali në hipotekë (sipas ZRPP)
• Sigurimi i detyrueshëm i pronës dhe i jetës, e pagueshme çdo vit

Kërkesat për kolateral

• Hipotekë mbi pronën e financuar ose mbi një pronë tjetër të pranueshme nga banka si kolateral.
• Vlerësimi kryhet nga vlerësues të autorizuar nga banka dhe kostot e vlerësimit mbulohen nga Klienti.

Dokumentacioni i Kërkuar
Dokumentacioni kërkohet për kredimarrësin, bashkëkredimarrësin dhe garantorin financiar (nëse aplikohet).

Dokument Identifikimi

• Kartë identiteti ose Pasaportë
• Certifikatë familjare

Dokumentacioni mbi të ardhurat

• Nga punësimi: Vërtetim page vjetore (e-albania) dhe vërtetim kontributesh (e-albania)
• Nga qiraja: kontrata e qerasë, titull i pronësisë, lëvizje llogarie e kalimit të qerasë të paktën 6 muaj
• Nga biznesi: të paktën 2 vite aktivitet të licencuar dhe 2 vitet e fundit rezultat financiar pozitiv.

Dokumentacioni mbi Pronën dhe kredinë që po rifinancohet

• Kontrata e kredisë hipotekore me bankën ekzistuese.
• Plani aktual i amortizimit.
• Kontratë Shit-Blerje ose Sipërmarrje për qëllimin e kredisë që po rifinancohet
• Dokumentacioni mbi pronën që ofrohet si kolateral: certifikata e pronësie, kartela e rifreskuar, origjina e pronës.

Dokumentacioni që kërkohet është në varësi të tipologjisë së kolateralit.

Shembull Ilustrues i Kredisë Hipotekore për rifinancim

Kredia në monedhë të ndryshme nga monedha e të ardhurave, rrit rrezikun nga luhatjet e kursit të këmbimit.
Normat referencë të Bonove të Thesarit (BTH) janë subjekt ndryshimi, përcaktohen nga politika monetare e Bankës së Shqipërisë.

Për të parë Fletën e Standardizuar të Informacionit Parakontraktor, jeni të lutur të drejtoheni te dokumentacioni më poshtë.

Për informacion më të detajuar në lidhje me Interesat e Kredisë shikoni Listën e Çmimeve.

Kujdes! Huamarrja kushton para!

________________________________

*) Nëse norma e interesit në kredi varet nga EURIBOR dhe vlera e EURIBOR-it ka rënë nën zero, kjo vlerë do të konsiderohet zero për llogaritjen e normës së interesit.

Dokumenta me rendesi: